ierokirik (ierokirik) wrote,
ierokirik
ierokirik

Category:

Последование молебного пения в день основания града Одессы

Благословен Бог наш, всегда, ныне и присно и во веки веков.
Начало обычное
Псалом 90.
Бог Господь
тропари, глас 4.
Благодарни суще недостойнии раби Твои, Господи, о Твоих великих благодеяниих на нас бывших, славяще Тя хвалим, благословим, благодарим, поем и величаем Твое благоутробие, и рабски любовию вопием Ти: Благодетелю Спасе наш, слава Тебе.
Слава, глас 6:
Ликуй ныне, богоспасаемый граде Одессо, яко лучами солнечными просвещаемый чудотворным Образом Касперовским; се бо богомудрый Иннокентий со твердыми во мучениих Анатолием и Григорием, пречудный Гавриил-храмостроитель и дивный в чудотворениих Иона со преподобным отцем Кукшею, яко звезды небесныя сияющи, присно молятся спастися граду нашему и всем верою живущим в нем.
И ныне: глас 4.
Днесь благовернии людие светло празднуем, осеняеми Твоим, Богомати, пришествием, и к Твоему взирающе пречистому образу, умильно глаголем: покрый нас честным Твоим покровом, и избави нас от всякого зла, молящи Сына Твоего Христа Бога нашего, спасти души наша.
Прокимен, глас 4. Господь крепость людем Своим даст, Господь благословит люди Своя миром
Стих: Глас Господень в крепости, глас Господень в великолепии.
Апостол к Тимофею, зачало 282.
Братия, молю прежде всех творити молитвы, моления, прошения, благодарения за вся человеки: за царя и всех иже во власти суть: Да тихое и безмолвное житие поживем во всяком благочестии и чистоте. Сие бо добро и приятно пред Спасителем нашим Богом, иже всем человеком хочет спастися и в разум истины приити. Един бо есть Бог, и един Ходатай Бога и человеков, человек Христос Иисус, давый Себе избавление за всех, Емуже слава во веки веков. Аминь.
Аллилуиа, глас 8. Приидите, возрадуемся Господеви, воскликнем Богу Спасителю нашему.
Стих: Предварим лице Его во исповедании и во псалмех воскликнем Ему.
Евангелие от Матфея, зач 20 от полу.
Рече Господь: просите и дастся вам, ищите и обрящете, толцыте и отверзется вам. Всяк бо просяй приемлет, и ищяй обретает, и толкущему отверзется. Или кто есть от вас человек, егоже аще воспросит сын его хлеба, еда камень подаст ему? Или аще рыбы просит, еда змию подаст ему? Аще убо вы, лукави суще, умеете даяния блага даяти чадом вашым, кольми паче Отец ваш Небесный даст блага просящым у Него.
Ектения:
Помилуй нас, Боже, по велицей милости Твоей, молим Тис я, услыши и помилуй.
Еще молимся о Великом Господине и Отце нашем Святейшем патриархе Кирилле и о Господине и Отце нашем Блаженнейшем митрополите Онуфрии и о Господине нашем Высокопреосвященнейшем митрополите Агафангеле и о всей во Христе братии нашей.
Еще молимся о богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.
Еще молимся и о еже помянути Господеви Богу нашему великия милости и щедроты Своя и помиловати град наш Одессу и всех верою и благочестием в нем живущих и от всякаго зла верныя чада своя оградити, молим Тис я, милостиво услыши и скоро помилуй.
Еще молимся Господу Богу нашему, о еже сохранити град сей и всех, верою живущих в нем, во всяком благоденствии, миром оградити его и на будущая времена пребывати ему благоукрашенну во славу Отечествия нашего, прилежно молим Ти ся, Всещедрый Господи, услыши и помилуй.
Еще молимся и о еже сохранитися граду нашему от глада, губительства, труса, потопа, огня, меча, нашествия иноплеменник и междоусобныя брани: и о еже милостиву и благоуветливу быти Благому и Человеколюбивому Богу нашему, отвратити вский гнев на ны движимый, и избавити ны от належащаго и праведнаго Своего прещения и помиловати ны.
Еще молимся и о еже услышати Господеви Богу глас моления нас, грешных, и помиловати нас.
Возглас: Услыши ны, Боже Спасителю наш, упование всех концов земли и сущих в море далече: и милостив, милостив буди, Владыко, о гресех наших и помилуй ны. Милостив бо и человеколюбец, Бог еси, и Тебе славу воссылаем, Отцу и Сыну, и Святому Духу, ныне и присно и во веки веков.

Молитва.
О Всемилостивый и Великодаровитый Боже, утвердивый волею Твоею Отечествие наше и на Промыслом Твоим всеблагим воздвигнувый град сей яко всесветлое украшение земли нашея! Тебе молимся и благодарение от сердца приносяще, смиренно просим: Призри с высоты святыя Твоея на предстоящия люди Твоя и на вся, живущая во граде сем и чающия от Тебе богатыя милости, и приими благодарение наше о Твоих великих благодеяниих, яже сотворил еси от лет древних даже и доныне!
Услыши нас, прославляющих днесь Имя Твое святое и утверди град сей и люди необоримы всякими напастьми и скорбьми, всякими раздорами и прилоги вражиими. Посети ны щедротами Твоими, яко и на будущия времена нам зде пожити во всяком благочестии, правде и чистоте.
Утверди град наш Одессу молитвами Пресвятыя и Преблагословенныя Владычицы нашея Богородицы и Приснодевы Марии, предстательством святаго апостола Андрея Первозваннаго, святителя архиепископа Иннокентия, священномученников патриарха Григория, митрополитов Анатолия и Серафима, архиепископов Онуфрия и Прокопия, епископов Антония, Парфения, Ермогена и Дионисия, преподобных Кукши и Гавриила и святаго праведнаго Ионы и всех святых, в земле Одесской просиявших, яко да милость и мир от Тебе получивше, во вся дни живота нашего прославим всесвятое и великолепое имя Твое Отца и Сына и Святаго Духа. Аминь.
И отпуст.
Tags: богослужебное, гимнография, праздничное
Subscribe

  • (no subject)

    Наверное, одна из самых существенных проблем нашего богослужения - это перенесение акцента со слова на действие, с молитвословия на обряд, со смысла…

  • беседа на память св.ап. Петра и Павла

    12 июля Православная Церковь молитвенно почитает святых апостолов Петра и Павла – двух удивительных проповедников Евангелия, ставших символами…

  • беседа на собор Одесских святых

    Сегодняшний день – особый день для нашего города, для нашей епархии. Сегодня, в третье воскресенье после праздника святой Троицы все православные…

  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 3 comments